轉載至 2015 年 05 月 23 日 獨立媒體《食環外判清潔工工潮快訊：一位掃街工友要掃幾大範圍？》
食環外判清潔工工潮快訊：一位掃街工友要掃幾大範圍？：
探訪隊今日走訪4個垃圾站，5個公廁。
一位掃街工友要掃幾大範圍？
當工友告訴你由街的這邊掃到那邊，你習慣地「哦」一聲，多數你想像都係掃下街唧。其實你試下再問工友，你負責幾多個垃圾桶？
今日有個工友話14個，另一個話18個桶，下次你行街數下18個桶即係要掃幾大範圍。工友需要每個垃圾桶提起桶蓋，倒出垃圾，有時要推水去洗桶。
義工在公廁和工友傾了一轉，來到這垃圾站，大部份工友已出動掃街，在門外的街上踫到幾個推著車開工，隨口叫著他們：「喂，都落緊雨掃唔到啦！傾幾句先啦！」，但即時聽到的回應是：「係呀！太大雨掃唔到架，所以而家趁細雨快啲去掃埋，唔係放工時街度人多呀！」。我衝口而出：「都落雨唔掃啲人都唔覺啦！」﹙講完有點後悔好似教人蛇王﹚，不過工友好似聽唔到，繼續自說自話：「自己功夫，快啲做好佢」。
「响街上面老闆都睇唔到，傾下先啦…」這句似我地自言自語，因工友已快速走了好遠。「自己功夫…」，掃下街唧，有幾重要有幾多功夫？老細約滿都離場咯！都說清潔工是3D工作﹙Dirty, Dangerous, Disrespectful)，一直不受尊重，行過的人敬而遠之，但工作中的人，就肯定這是自己的責任。
而他們是最低工資水平，工作10小時卻只有9小時工資，因食飯鐘無錢。如果計遣散費，還對沖了強積金，老闆要支付的金額相對盈利來說，根本是九牛一毛！且看這間過去一年有3億收入的公司會否承擔責任！？
這幾天如想做義工，聯絡女工會清潔工會！