轉載至 2015 年 05 月 26 日 獨立媒體《食環外判清潔工工潮快訊：僱傭條例真係能夠保障工人？》
食環外判清潔工工潮快訊：僱傭條例真係能夠保障工人？：
連日來在各大小垃圾站與工友「傾偈」，公司終於有反應了，公司在站頭貼了通告，指「工友的離職安排，公司會按僱傭條例處理」；而站頭科文終於向探訪義工發火，試圖趕走義工唔准和工友傾偈；有工友說公司都講話肯賠償啦，唔使你工會啦！也有人話，間公司有得傾架，工會要唔要搵公司傾下？
一開始工會收到的質疑：
公司都未離場，都未証實一定唔賠償工友，點解唔等出粮先去追，上勞工處咪得囉！你個工會攪攪震！
然而，根據《僱傭條例》, 公司續唔到外判合約要離場，工人因此失去工作，是否公司理應承擔責任支付遣散費？不過僱傭條例並不是為了保障工人，是要保障勞資「雙方」的。但香港沒有集體談判權、合約並非雙方共同制定，而工作崗位調配安排，工人無權談判協議，基本勞資關係根本不對等，披著保障雙方的勞工法例，諷刺地要工人承擔公司不能續約的後果！
勞工法例既不會保障處於不平等關係的工人，更無視勞動價值，例如，同樣工作8年，因公司約滿離場而被解僱可得遣散費，但如自己辭職，那就不符遣散資格。雖然工人如被迫或被誘簽署文件，可以申訴，但追討的過程可謂亳不容易。
所以，今日我們全力協助工友保衛權益，接續就要根本地改革勞工法例和不對等勞資關係。